Фота Надзеі Бужан
У Кіраўскім раёне Магілёўскай вобласці ўводзіцца масачны рэжым. Цяпер у розных установах і крамах абслугоўваць людзей без масак забаронена, забаронена таксама знаходзіцца без маскі на працы. Адпаведнае распараджэнне выдаў Кіраўскі райвыканкам 29 мая, апублікавалі яго 1 чэрвеня.
Цяпер маскі тым, хто носіць іх на працягу працоўнага часу, неабходна мяняць кожныя тры гадзіны. Прадаўцоў і касіраў абавязалі забяспечыць шчыткамі ці празрыстымі экранамі.
Таксама ў крамах, кафэ, банках, аптэках, на пошце і іншых аб'ектах ўводзяцца абмежаванні па колькасці людзей — з разліку 10 квадратных метраў на чалавека.
Аб'екты грамадскага харчавання будуць працаваць да 22:00, адмяняецца выязны і вулічны гандаль, забаронена гандляваць на рынках людзям, што прыязджаюць з іншых раёнаў.
Ёсць некалькі забарон адносна дзіцячых садкоў.
