Патэнцыйны кандыдат у прэзідэнты краіны Віктар Бабарыка ў інтэрв'ю Tut.by распавёў пра тое, як гатовы бараніць выбар сваіх выбаршчыкаў.
Фота Надзеі Бужан
«Тое, што мне скажуць рабіць выбаршчыкі, усе тры з паловай мільёны, я бадзёра гэта і зраблю. Як я ўжо сказаў, калі выбаршчыкі мае скажуць «Ідзём на плошчу», то я пайду на плошчу», — сказаў Бабарыка.
Таксама ён распавёў пра кнігу «Паўстанне мас», у якой гаворыцца, што ніводны дыктатарскі рэжым не можа ўтрымацца, калі ў яго няма электаральнай большасці.
«Ён можа ўтрымацца толькі кароткі час, на крыві», — сказаў Бабарыка.
Бабарыка заявіў, што гатовы не проста далучыцца да сваіх выбаршчыкаў, а як лідар гатовы ўзначаліць іх рашэнне.
0
0
0
0
0
0