Следчы камітэт праводзіць расследаванне прычын гібелі рабочых у кабельным калодзежы, паведамляе Тelegram-канал «Мінск. Афіцыйна».
Рабочыя будаўнічай арганізацыі праводзілі работы па пракладцы электрычнага кабелю цераз праезную частку праспекта Дзяржынскага. Увечары 26 чэрвеня іх знайшлі без прытомнасці ў кабельным калодзежы.
Двух з іх медыкам выратаваць не ўдалося. Трэцяга пацярпелага шпіталізавалі ў бальніцу хуткай медыцынскай дапамогі са страсеннем мазгоў, закрытай чэрапна-мазгавой траўмай лёгкай ступені, ранкамі галавы і пляча.
Супрацоўнікі МНС правялі замеры паветра ў калодзежы на наяўнасць атрутных рэчываў з дапамогай аўтамабіля хімічнай і радыяцыйнай абароны. Перавышэнняў гранічна дапушчальных канцэнтрацый небяспечных рэчываў не выяўлена.
Распачата спецыяльнае расследаванне.