Фота Надзеі Бужан
Суд Цэнтральнага раёна Мінска разгледзеў і адхіліў скаргу Віктара Бабарыкі на заключэнне пад варту. Самога Бабарыку з СІЗА КДБ у суд не дастаўлялі, распавёў TUT.BY адвакат прэтэндэнта Дзмітрый Лаеўскі, які прысутнічаў на пасяджэнні.
Паколькі пасяджэнне праходзіла ў закрытым рэжыме і з адваката ўзятая падпіска аб невыдаванні звестак, абставіны гэтага пасяджэння і матывы судовай пастановы адвакат паведаміць адмовіўся. Пры гэтым абаронца адзначыў, што з боку абароны прадстаўлены значны аб'ём аргументаў у падтрымку скаргі.
— Пастанову суда па скарзе Віктара Бабарыкі бок абароны мае намер абскардзіць у Мінскім гарадскім судзе, — сказаў Лаеўскі.
Акрамя таго, адвакат Лаеўскі звярнуў увагу на тое, што ім на мінулым тыдні праз КДБ таксама была пададзеная скарга на меру стрымання, аднак па стане на дадзены момант гэтая скарга ў суд не паступіла, таму, верагодна, будзе разглядацца асобна.
