Прадстаўнікі Аб’яднаных дэмакратычных сілаў да чарговай гадавіны аварыі на ЧАЭС наведаюць раёны Гомельскай вобласці, якія найбольш пацярпелі ад радыяцыі.
24 красавіка запланаванае наведванне імі Веткі, Чачэрска і Кармы, 25 красавіка — Хойнікаў, Брагіна і Нароўлі. Актывісты збіраюцца ўскласці кветкі да памятных знакаў адселеным вёскам і ахвярам аварыі на ЧАЭС, сустрэцца з мясцовым насельніцтвам.
Заявак на масавыя акцыі яны не збіраюцца падаваць, бо лічаць, што для таго, каб ускладваць вянкі і кветкі, дазвол уладаў непатрэбны, ‑‑ зазначыў прадстаўнік Гомельскай абласной кааліцыі АДС Васіль Палякоў.
Згоду на ўдзел у паездках па Гомельшчыне ўжо далі Аляксандр Казулін, Сяргей Калякін і Анатоль Лябедзька. Возьмуць у іх удзел і прадстаўнікі гомельскай абласной кааліцыі АДС.
Традыцыйна ў гэты ж час забруджаныя раёны Беларусі наведвае і Аляксандар Лукашэнка.