З пачатку мая ў дэльце Акаванга ў Батсване, размешчанай на поўдні Афрыкі, было выяўлена больш за 350 туш сланоў. Як адзначыў прадстаўнік мясцовага ўрада, ніхто не ведае прычыну гібелі жывёл, а вынікі лабараторных аналізаў стануць вядомыя праз некалькі тыдняў, піша tut.by паводле bbc.com.
У Батсване жыве каля траціны папуляцыі сланоў Афрыкі. Доктар Маккан з брытанскай арганізацыі «Нацыянальны парк выратавання» распавёў, што мясцовыя абаронцы прыроды ўпершыню папярэдзілі ўрад пра гібель жывёл у пачатку мая, калі выявілі 169 туш сланоў у дэльце Акаванга. Падчас далейшых пошукаў было знойдзена яшчэ каля 200 туш жывёл. Па словах Маккана, гэта абсалютна беспрэцэдэнтная падзея.
Урад Батсваны выключыў браканьерства ў якасці прычыны гібелі жывёл, бо іх біўні былі на месцы. Эксперты таксама выключылі сібірскую язву, ад якой летась у Бостване загінула каля 100 сланоў.
Выказваецца меркаванне, што сланы маглі заразіцца на каранавірус. Вынікі аналізаў чакаюцца ў бліжэйшыя тыдні.