У Ляхавіцкім раёне галоўнага бухгалтара дарожнага ўпраўлення падазраюць у крадзяжы буйной сумы, паведамляе МУС.
Высветлілася, што галоўная бухгалтарка мясцовага дарожнага рамонтна-будаўнічага ўпраўлення датычная да крадзяжу фінансаў.
Восем гадоў 55-гадовая падазраваная, карыстаючыся сваім службовым становішчам, завышала зарплаты работнікам прадпрыемства. Яна фальсіфікавала сумы ў плацежных даручэннях і спісах на пералік грошай. Дакументы падпісваліся кіраўніцтвам упраўлення і накіроўваліся ў розныя банкі. У выніку жанчына атрымлівала на свае рахункі зарплаты, прэміі і адпускныя, якія значна перавышаюць устаноўлены памер.
У выніку фінансавых махінацый галоўная бухгалтарка завалодала звыш 360 тысячамі рублёў.
0
0
0
0
0
0