Случчанка выпала з балкона на 8-м паверсе дома на вуліцы Леніна ў раёне стаматалогіі. Гэта адбылося каля 3:30 раніцы ў суботу, 4 ліпеня. Паводле інфармацыі «Кур'ера» на раніцу 6 ліпеня, дзяўчына знаходзіцца ў бальніцы ў цяжкім стане: у яе шматлікія пераломы, закрытая чэрапна-мазгавая траўма і разрыў лёгкіх.
Дзяўчына з мужам была ў гасцях. У кампаніі, з якой яны выпівалі, былі і сваякі.
Пасля застолля дзяўчына прачнулася ноччу і выйшла пакурыць на балкон. Яе муж пайшоў следам. У іх пачаўся канфлікт, случчанка паспрабавала сесці на падаконнік. Аднак муж перашкодзіў ёй зрабіць гэта, і канфлікт быў вычарпаны.
Пасля гэтага муж выйшаў на кухню, а калі вяртаўся, убачыў, што жонка сядзіць на падаконніку спінай на вуліцу. Ён не паспеў падбегчы і ўтрымаць яе — 23-гадовая случчанка звалілася ўніз.
