Крымінальная справа ў дачыненні да былога старшыні Докшыцкага райвыканкама Алега Пінчука спынена. Пра гэта ў эфіры праграмы «Прычыны і следства» на «Радыё-Мінск» распавяла афіцыйны прадстаўнік Следчага камітэта Юлія Ганчарова.
Алег Пінчук
Нагадаем, экс-кіраўнік Докшыц выпадкова застрэліў на паляванні 37-гадовага бізнэсмена.
Фігуранту выставілі абвінавачванне, але сама крымінальная справа спынена на падставе арт. 1 і 2 закона аб амністыі. Падчас папярэдняга расследавання было ўстаноўлена, што абвінавачаны пражываў у зоне, якая была забруджаная ў выніку аварыі на Чарнобыльскай АЭС, і меў адпаведны статус. Паводле гэтага закона, злачынствы гэтай катэгорыі падлягаюць спыненню і крымінальная справа не перадаецца пракурору для накіравання ў суд.
0
0
0
0
0
0