Фота Надзеі Бужан
Пра гэта заявіў кіраўнік карпарацыі «Расатам» Аляксей Ліхачоў у сваім звароце.
«З галоўных навін на замежных будоўлях адзначу Беларусь, дзе актыўна працуем над атрыманнем дазволу на правядзенне фізічнага пуску. Разлічваем, што ён адбудзецца ў першых датах жніўня», — паведаміў Ліхачоў.
У красавіку міністр энергетыкі Віктар Каранкевіч казаў, што фізічны пуск першага энергаблока станцыі прызначаны на ліпень 2020 года.
5 чэрвеня Аляксандр Лукашэнка на сустрэчы ў Мінску з прэм'ерам Венгрыі Віктарам Орбанам заявіў, што пуск адбудзецца «літаральна днямі», але ў Мінэнерга гэтую інфармацыю абверглі, адзначыўшы, што магчыма гэта адбудзецца ў ліпені.
