Мінчукі змогуць бясплатна адправіцца ў свой выходны на фермерскую гаспадарку. Арганізуе вандроўку «Е-дастаўка»: тры сям'і з Мінска наведаюць ферму цалкам бясплатна. Для ўдзелу трэба запоўніць заяўку: ужо 30 ліпеня арганізатары назавуць імёны трох пераможцаў, якія адправяцца на выходныя на фермерскі ўчастак.
Чатыры месяцы таму «Е-дастаўка» пачала працаваць з беларускімі фермерскімі гаспадаркамі: тавары лакальнай вытворчасці проста зараз кожны можа набыць на сайце e-dostavka.by. Найбуйнейшы рытэйлер краіны вырашыў паказаць пакупнікам са сталіцы, як вырабляюцца іх любімыя прадукты, і гатовы на цэлы дзень адвезці тры сям'і ў вёску.
Адправяцца гараджане на фермерскую гаспадарку «Дак» у Дзяржынскім раёне. Падчас невялікага падарожжа бацькі і іх дзеці змогуць адчуць сябе ў ролі сапраўдных фермераў: пабачыць на свае вочы, як вырабляюцца іх любімыя арганічныя прадукты.
«Ад пачатку мая мы дастаўляем сваім кліентам фермерскія тавары. Зараз мы можам з упэўненасцю сказаць, што папулярнасць такіх прадуктаў сярод спажыўцоў штодня павялічваецца, — распавядае дырэктар па маркетынгу анлайн-гіпермаркета «Е-дастаўка» Яўген Шашкевіч. — Мы ведаем: усе фермерскія тавары, якія ёсць у каталогу, не ўтрымліваюць кансервантаў, маюць на 100% арганічны склад. Якасць прадукцыі — наша адказнасць, якую мы не ігнаруем. Дзякуючы паездцы на ферму мы хочам паказаць пакупнікам, што ўся фермерская прадукцыя натуральная і карысная. Яны змогуць убачыць гэта на свае вочы і нават пазнаёміцца з працэсам вытворчасці. Не толькі дарослым, але і дзецям будзе цікава даведацца, як жа вырабляецца іх любімы ёгурт ці казіны сыр».
У праграме паездкі наведванне хатняй вытворчасці сыроў і ёгуртаў з казінага малака і дэгустацыя пачастункаў, шпацыр па тэрыторыі гаспадаркі, знаёмства з жывёламі, абед і вячэра. Арганізатары самі адвязуць гасцей на месца, а па заканчэнні тура прывязуць назад у Мінск: усю паездку аплачвае «Е-дастаўка».
«Мы рады даць магчымасць тым, хто рэдка бывае за межамі горада, хаця б на дзень адпачыць ад гарадской мітусні, а яшчэ атрымаць новы і карысны досвед: даведацца пра тое, як правільна даглядаць за козамі, якія этапы праходзіць малако, перш чым стаць ёгуртам, сырам, і многае іншае. На ферме нікому не давядзецца сумаваць!» — распавядае прадстаўнік фермы «Дак».
Каб пазмагацца за магчымасць бясплатна адправіцца на фермерскую гаспадарку, якая спецыялізуецца на гадоўлі коз, неабходна пакінуць сваю заяўку ў гугл-форме.
Арганізатары просяць пазначыць ваша імя, а таксама колькасць членаў сям'і, з якімі вы збіраецеся адправіцца ў паездку. Гэта могуць быць муж, жонка і вашы дзеці. Акрамя гэтага, у форму неабходна ўставіць спасылку на свой профіль у інстаграме (важна, каб з 22 па 30 ліпеня ён быў адкрыты для прагляду). А таксама расказаць пра тое, як, на вашу думку, выглядае сучасная ферма. Зыходзячы з крэатыўнасці адказаў, ужо 30 ліпеня «Е-дастаўка» абярэ тры сям'і пераможцаў і звяжацца з імі па кантактным нумары.
