Грамадства33

Рэжысёрка БТ: Кажуць, у тэлерадыёкампаніі баяцца, што забастоўшчыкі захопяць будынак

Аляксандра Бабкова — маладая рэжысёрка, якая працавала на канале «Беларусь 3». Пасля прэзідэнцкіх выбараў яна далучылася да забастоўкі.

Аляксандра Бабкова. Фота Надзеі Бужан

Што падштурхнула яе на такі крок, Аляксандра распавяла «Нашай Ніве».

«Наш канал «Беларусь 3» займаецца культурай ды мастацтвам. Я рабіла праграмы пра мастакоў, тэатр, мастацкі музей. Зараз мы пачалі працу над фільмам пра Караткевіча, куды я запрасіла паўдзельнічаць актораў, якія не працуюць у тэатрах, а занятыя на часовых праектах, каб падтрымаць іх у такой сітуацыі: я лічу гэта важным. Фільм, зразумела, мы рабіць ужо не будзем, на жаль, — расказвае Аляксандра. 

Карацей, тэматыка тэлеканала заўсёды была далёкая ад палітыкі, і мы ўсе адчувалі сябе адасоблена ад агенцтва тэленавінаў, дзе заўсёды падтрымлівалі рэжым. Але апошнія навіны, звязаныя з мірнымі мітынгамі, цярпець было ўжо немагчыма. Мы звярталіся да Івана Эйсманта і выказвалі яму свае хваляванні ды незадаволенасць, але, зразумела, ён нічога не зрабіў і сумленныя факты ў эфіры не паказаў. Таму мы не бачылі іншага выйсця, як баставаць ці звальняцца».

Пакуль што намінальна Аляксандра яшчэ работнік тэлерадыёкампаніі:

«Я яшчэ з'яўляюся супрацоўнікам БТ, але разам з шэрагам сваіх калег бастую. Сёння, як вы ўжо можаце ведаць, нас не пусцілі на тэрыторыю Макаёнка, 9. Мы крыху разгубіліся, таму праз некалькі гадзін раз'ехаліся хто куды. Як будзем баставаць і што рабіць далей, пакуль невядома. Як невядома і тое, ці з'яўляецца загад не пускаць нас да БТ намёкам на наша хуткае звальненне».

З калегамі, якія працягваюць працу, дзяўчына не гаварыла. Таму не можа пацвердзіць ці абвергнуць чуткі пра расійскіх тэхнічных работнікаў, якіх нібыта прывезлі на замену пратэстуючым.

«Чула расповеды, што тыя, хто застаўся, не падтрымліваюць нашы дзеянні і нават баяцца, што мы плануем захапіць будынак. Адна мая калега, якая выходзіла на забастоўку, але працягвала выконваць некаторыя абавязкі, кажа, што суседкі па кабінеце псіхалагічна ціснуць на яе, хаця паміж імі былі заўсёды добрыя адносіны», — кажа Бабкова.

Каментары3

Цяпер чытаюць

Як выбіраюць Папу Рымскага: сакрэты канклава і старажытнай сістэмы галасавання

Як выбіраюць Папу Рымскага: сакрэты канклава і старажытнай сістэмы галасавання

Усе навіны →
Усе навіны

Рэпатрыянт з Мінска зняў у Ізраілі серыял, які рве мясцовыя рэйтынгі6

Шаранговіч зламаў нагу ў апошнім матчы сезона НХЛ2

Нечаканая пагроза: ад змены клімату ў рысе становіцца больш мыш’яку5

Есці павольна карысна для здароўя. Міф ці праўда?7

Ці хопіць сёлета €2000, каб адпачыць на моры? Што адбываецца з цэнамі на летні адпачынак2

У Мінску прадаюць кватэру амаль за $2 мільёны. Што за яна?6

Лукашэнка зноў паабяцаў беларусам «асабліва складаны» год19

Як склаўся лёс выпускнікоў, якімі журфак ганарыўся 10 гадоў таму? Гісторыя аднаго ўрачыстага калажа34

«Мы фарбавалі яйкі толькі ноччу». Яшчэ ў сярэдзіне мінулага стагоддзя Вялікдзень у Беларусі святкавалі інакш6

больш чытаных навін
больш лайканых навін

Як выбіраюць Папу Рымскага: сакрэты канклава і старажытнай сістэмы галасавання

Як выбіраюць Папу Рымскага: сакрэты канклава і старажытнай сістэмы галасавання

Галоўнае
Усе навіны →

Заўвага:

 

 

 

 

Закрыць Паведаміць