У белфутболе новая традыцыя — святкаваць гол пераможным жэстам каманды Ціханоўскай
Учора ў гульні з салігорскім «Шахцёрам» гулец «Іслачы» Мікалай Януш аформіў дубль, яго каманда перамагла з лікам 4:2. Свой гол футбаліст адсвяткаваў на полі знаёмым многім жэстам: адна рука ўскінутая ўверх са знакам вікторыя, другая — сціснуты кулак.
Гэта сімвалічныя жэсты аб'яднанай каманды Святланы Ціханоўскай на прэзідэнцкіх выбарах.
Нападнік мінскага «Дынама» Яўген Шыкаўка на гэткі ж манер адзначыў свой гол, забіты ўчора ў браму «Слуцка».
Да флэшмобу далучыўся Алег Нікіфарэнка, паўабаронца брэсцкага «Руху», у гульні з «Гарадзеяй». Пасля выніковай атакі ён узняў рукі з ужо пазнавальнымі сімваламі, гэты момант злавіла камера.
Нагадаем, што АБФФ праводзіць гэты тур без гледачоў, таму такія ўчынкі гульцоў могуць належным чынам ацаніць толькі гледачы тэлетрансляцый.
Цяпер чытаюць
«Мне сорамна, але я нават не памятаю». Сталі вядомыя новыя падрабязнасці з працэсу здымак эмігрантаў для кіно на БТ10
Каментары