Украіна не будзе ўмешвацца ў пытанне прэзідэнцкіх выбараў у Беларусі, бо лічыць гэта ўнутранай справай Мінска. Аб гэтым заявіў прэзідэнт Украіны Уладзімір Зяленскі ў апублікаваным у аўторак інтэрв'ю Euronews, піша ТАСС.
«Я абсалютна не хачу ўмешвацца ў беларускія выбары, і я гэтага не буду рабіць. Украіна не будзе ўмешвацца. Гэта іх (беларусаў) ўнутраныя справы», — сказаў ён.
Пры гэтым прэзідэнт адзначыў, што асабіста ён на месцы Аляксандра Лукашэнкі правёў бы новыя выбары з прыцягненнем міжнародных назіральнікаў.
