У карэспандэнта Свабоды Алеся Пілецкага невядомыя людзі з прафесійнай камерай, якія нібыта працуюць журналістамі, сёння падчас жаночага маршу спрабавалі адабраць тэлефон
Фота Белсата
Вось, як сітуацыю апісвае сам Алесь:
«Ужо пасьля апошняга затрыманьня, калі ўдзельнікаў акцыі амаль не засталося, на праспэкце заставаліся толькі журналісты. Сярод іх вось гэты незразумелы апэратар з незразумелай карэспандэнткай. Ад іх моцна патыхала алькаголем, гэта заўважылі ўсе. Яны сталі з іншымі журналістамі спрачацца, яшчэ некалькі ўдзельнікаў акцыі заставалася, і зь імі спрачаліся таксама.
Мы падышлі, сталі пытацца, хто яны. Яны ў адказ сталі проста ў твар нас здымаць. Я таксама дастаў тэлефон і стаў спрабаваць здымаць іх. Мужчына агрэсіўна за мой тэлефон ухапіўся, але я ня даў яго забраць. Гэта ўсё вельмі хутка адбывалася».
