Віталь Красніцкі. Фота Белсат.
З Бабруйскага следчага ізалятара выйшаў на волю Віталь Красніцкі, адзін з ініцыятараў страйку на Белшыне. За няяўку на працу ён быў звольнены 27 жніўня. З тых часоў яго рэгулярна арыштоўвалі, піша mogilev.online.
За мінулы месяц ён прабыў у няволі 27 дзён. У актывіста было 6 судовых працэсаў, справы разглядаліся ў следчым ізалятары. Акрамя гэтага, за Віталём Красніцкім лічыцца два штрафы ў памеры 1215 беларускіх рублёў.
Сам жа Віталь Красніцкі лічыць, што атрымаў пакаранне за спробу арганізацыі страйкавага камітэта на найбуйнейшым прадпрыемстве Бабруйска «Белшына». Паводле яго слоў, ставіліся да яго ў СІЗА з павагай.
Нагадаем, пасля выбараў прэзідэнта Беларусі многія прадпрыемствы рабілі спробы забастовак у знак пратэсту супраць вынікаў выбараў. З 9 жніўня ў Беларусі не сціхаюць пратэсты.