minsk-region.gov.by
Намеснік старшыні Савета Рэспублікі Анатоль Ісачанка сышоў на самаізаляцыю з-за COVID-19, пра гэта ён паведаміў у сваім акаўнце ў Facebook у пятніцу, піша Інтэрфакс.
«Цяпер знаходжуся на самаізаляцыі і не магу не звярнуцца да вас. На жаль, другая хваля COVID не прымусіла сябе чакаць», — напісаў Ісачанка.
Чыноўнік падкрэсліў, што галоўная задача цяпер для ўсіх —засцерагчы сябе, родных і блізкіх.
«Гэта асабістая адказнасць і дысцыпліна кожнага з нас! Наша добрасумленнае стаўленне да сябе не толькі ўратуе нам здароўе, але будзе добрай падтрымкай і дапамогай для дактароў», - адзначыў ён і заклікаў усіх выконваць дыстанцыю, мыць рукі і насіць маскі.
Як паведамлялася, на гэтым тыдні каранавірус дыягнаставалі і ў дэпутата Андрэя Савіных.
