Два падобныя выпадкі адбыліся пры розных абставінах. Так, ноччу 8 кастрычніка ў бальніцу з прыкметамі падзення з вышыні даставілі 17-гадовага хлопца. Высветлілася, што цялесныя пашкоджанні юнак атрымаў, зваліўшыся на казырок пад'езда шматкватэрнага дома з вышыні прыкладна сёмага паверху. Следчым ён растлумачыў, што хацеў залезці на балкон кватэры, у якой жыве яго дзяўчына, каб падарыць ёй мяккую цацку, але сарваўся і ўпаў са сцяны дома, паведамляе СК.
А ўвечары 10 кастрычніка ў лячэбную ўстанову паступіў 48-гадовы мужчына. Праверкай устаноўлена, што траўмы ён атрымаў, зваліўшыся з вышыні сёмага паверху, калі спускаўся па бялізнавай вяроўцы з кватэры ў двор. Сваякі пацярпелага растлумачылі, што зачынілі яго ў кватэры, каб не злоўжываў спіртным.
