На канцэрце «Ляпіса Трубяцкога» 7 мая ў Магілёве, калі музыкі сталі спяваць «Freedom Belarus», моладзь падняла бел‑чырвона‑белыя сцягі.
У адрозненне ад Мінска, дзе міліцыя рэагавала на такое спакойна, у зале клубу «Ліга», дзе адбываўся канцэрт, затрымлівалі. Як сцяганосьбітаў, так і тых, у каго на вопратцы ці заплечніках была нацыянальная сымболіка – невялікія бел‑чырвона‑белыя сцягі і герб «Пагоня». Усяго было затрымана каля 20 чалавек.
Вядомае імя аднаго з іх — гэта Станіслаў Сенакосаў, ён адным з першых падняў нацыянальны сцяг.
0
0
0
0
0
0
