Самым папулярным у свеце мабільным дадаткам у 2020 годзе назвалі сэрвіс для абмену кароткімі відэа TikTok. Пра гэта паведаміла TechCrunch.
Прычым TikTok стаў самым папулярным дадаткам сярод карыстальнікаў смартфонаў як на iOS, так і на Android. App Annie прагназуе, што ў 2021 годзе колькасць актыўных карыстальнікаў сэрвісу перавысіць мільярд.
Напрыклад, тагачасны міністр інфармацыі Алесь Карлюкевіч нават Мінскі кніжны кірмаш рэкламаваў у TikTok.
Другое месца заняў дадатак сацыяльнай сеткі Facebook. У пяцёрку лідараў таксама ўвайшлі два дадаткі, якія належаць Facebook: WhatsApp — трэцім, а Instagram — пяты.
Дадатак для відэазванкоў і канферэнцый Zoom заняў чацвёртае месца. Яго папулярнасць імкліва вырасла з-за масавага пераводу многіх супрацоўнікаў і навучэнцаў на дыстанцыйнае: да пачатку пандэміі Zoom займаў у рэйтынгу 219-е месца.
