Пра гэта Мінск-навінам паведаміла галоўны доктар Мінскага гарадскога цэнтра гігіены і эпідэміялогіі Святлана Ярмак.
Верагодна, маецца на ўвазе першая доза расійскай вакцыны «Спадарожнік V». Другую дозу трэба калоць праз тры тыдні. Прышчапляюць найперш медыкаў, што знаходзяцца ў зоне рызыкі.
Масавую вакцынацыю людзей плануюць пачаць у красавіку.
А вось па словах мэра Вільні Рэмігіюса Шымашуса, у сталіцы Літвы штодня прышчапляюць каля 1000 чалавек, прычым пры патрэбе гэтыя тэмпы можна паскорыць, давёўшы ў найбліжэйшы час да 5 тысячы у дзень. Праблема толькі ў недахопе вакцыны.
«Вільня гатова да масавай вакцынацыі», — мяркуе Рэмігіюс Шымашус.
Літва разам з іншымі краінамі ЕС закупляе вакцыну ў 6 кампаній: Moderna, AstraZeneca, Janssen Pharmaceutica NV, Sanofi ir GSK, BioNTech/Pfizer і CureVac.
