«Дыназаўр Мі-Шы: Гаспадар возера» (Mee-Shee: The Water Giant).
Вялікабрытанія–Канада, 2005, каляровы, 90 хв.
Жанр: дзіцячыя прыгоды, сямейнае кіно.
Адзнака: 4 (з 10).
Бацька ня слухае дзесяцігадовага Мака і замест таго, каб паехаць з сынам у Флорыду, адпраўляецца на канадзкае возера, дзе затанула каштоўнае абсталяваньне. Пакуль бацька працуе, хлопчык знаёміцца зь мясцовым дыназаўрам. Але кепскія авантурнікі-злачынцы палююць за дзіўнаю жывёлінай.
Нізкабюджэтнае і нетаропкае кіно зь сямейнымі праблемамі й прыгодамі.
Сярод актораў – Брус Грынўуд («Шальныя скачкі», «Я, робат»), але й ён ня ёсьць зоркай першай велічыні.
Канфлікты няпэўныя, і сцэнар далёка не дыямэнт, але кіно падкупае сваёй наіўнасьцю і замілавальнаю дабрынёй. Дыназаўры ўтульна-пацешныя, зь безабароннымі маржовымі пысамі, нягоднікі зусім ня страшныя, а дзіцячыя прыгоды хлопчыка і мясцовай індзейскай дзяўчынкі знаходзяць водгук дзіцячай аўдыторыі.
Сямейныя мітрэнгі завяршаюцца поўным паразуменьнем – і гэта датычыць ня толькі людзей, але й дыназаўраў.
Агульная радасьць па-над воднай прасторай сымбалізуе экалягічны мір – і людзкую згоду.
