gosinspekciya.gov.by
На рацэ Гарынь жыхар Давыд-Гарадка праваліўся пад лёд — бо ішоў з важкім заплечнікам, у якім было амаль 40 кг рыбы (70 ляшчоў і 66 асобін іншых відаў), паведамляе Дзяржінспекцыя аховы жывёльнага і расліннага свету.
Уся рыба была вылаўлена сеткамі.
Мужчыну выратавалі, а потым ён стаў фігурантам крымінальнай справы.
У доме браканьера выявілі каля 40 розных сеткавых прыладаў, іх захоўванне ўжо само па сабе з'яўляецца парушэннем.
Адметна, што мужчына не раз затрымліваўся за нелегальную рыбалку Столінскай, Тураўскай і Мікашэвіцкай інспекцыямі. Шкода склала 10,3 тысячы рублёў. Да таго ж яму пагражае буйны штраф.
0
0
0
0
0
0