У Мінску пасля аварыі на скрыжаванні аўто вылецела на тратуар і ледзь не ўехала ў шматпавярховік
У суботу каля 14-й гадзіны кіроўца аўтамабіля «Рэно», рухаючыся па вуліцы Сурыкава ў напрамку Айвазоўскага, на скрыжаванні з вуліцай Грэкава не саступіў дарогу «Фальксвагену», які рухаўся па галоўнай дарозе. Адбылося сутыкненне, паведамляе ДАІ.
У аварыі пацярпела кіроўца аўтамабіля «Фальксваген» — 49-гадовая жанчына. Яна дастаўлена ў бальніцу.
На скрыжаванні нераўназначных дарог кіроўца аўтамабіля, які рухаецца па другараднай дарозе, павінен саступіць дарогу транспарту, што набліжаецца да яго па галоўнай дарозе, незалежна ад кірунку яго далейшага руху.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ