Пры падрыхтоўцы змяненняў у заканадаўства ўлічваўся вопыт усіх краін. «У першую чаргу Расійскай Федэрацыі, Заходняй Еўропы. У нас вельмі мяккае, лаяльнае заканадаўства. Цяпер мы тое-сёе ўдакладнілі, дзесьці ўзмацнілі адказнасць, нешта лібералізавалі. Трэба глядзець у комплексе на гэтыя пытанні. Але ў цэлым хачу сказаць, што нават у выпадку прыняцця гэтага законапраекта ў той рэдакцыі, якая ўчора абмяркоўвалася, наша заканадаўства не будзе такім жорсткім, як, напрыклад, у Заходняй Еўропе, у тым ліку ў пытаннях барацьбы з экстрэмізмам», — сказаў Андрэй Швед.
Паводле яго слоў, да гэтага пытання ўзважана падыходзім, зыходзячы з рэалій. «Гэта тычыцца санкцый, адказнасці, штрафаў і тэрмінаў пакарання. У шэрагу заходнееўрапейскіх краін, якія выступаюць, што ў іх усё нармальна, а ў нас дрэнна, на самай справе ўсё з дакладнасцю наадварот, калі аб'ектыўна разабрацца, — адзначыў генпракурор. — Тэрміны пазбаўлення волі за тыя дзеянні, за якія ў нас да нядаўняга часу і цяпер прадугледжаны, напрыклад, штраф або пазбаўленне волі на некалькі гадоў, у іх — 10-15 гадоў пазбаўлення волі за такія ж дзеянні, якія здзяйсняюць іх грамадзяне. Прытым яны гэтую адказнасць увялі яшчэ гадоў 5-7 таму ў шэрагу краін».
Чытайце таксама:
«Крыміналка» для пратэстоўцаў і асаблівыя спісы. Генпракуратура распавяла аб папраўках у «антыэкстрэмісцкі» закон
