У Фрунзенскім РУУСе на дзяўчыну склалі пратакол па арт. 24.23 КаАП за несанкцыянаванае пікетаванне. Згодна з пратаколам, Алеся «вывесіла на балконе белую цішотку з чырвонай паласой пасярэдзіне, якая, на думку міліцыянтаў, формаўтварала БЧБ-сцяг», паведамляе spring96.org.
Па словах Алесі, цішотка сохла на балконе некалькі дзён, а зняла яна яе адразу пасля заўвагі ўчастковага. Праз пару дзён па дзяўчыну прыйшоў міліцыянт і прапанаваў прайсці з імі на прафілактычную гутарку, пасля чаго яе затрымалі да наступнага дня.
У Алесі ёсць непаўнагадовае дзіця, таму яе павінны былі вызваліць праз тры гадзіны.
У выніку суддзя Марыя Ярохіна прызнала Алесю вінаватай у пікетаванні і пакарала яе штрафам у памеры 2900 рублёў (100 базавых велічыняў).
0
0
0
0
0
0
