Так у штурханні ядра Алена Дубіцкая заняла 9-е месца з вынікам 18 м 73 сантыметры. Перамогу святкавала кітаянка Гун Ліцзяа (20,58)
А вось Ганна Малышчык і Анастасія Маслава не змаглі выйсці ў фінал па кіданні молату.
Таксама не змагла трапіць у фінал скачкоў у даўжыню Анастасія Мірончык-Іванова, якая заняла 14-е месца
Анастасія Мірончык-Іванова, noc.by
У лепшай спробе беларуска скокнула на 6,55 (6,21 — 6,39 — 6,55), што значна саступае яе лепшага выніку сезону (6,79).
Апошнім пропускам у фінал алімпійскага турніру стала спроба аўстралійкі Брук Стратан на 6,60.
Сёння ў фінале скачкоў у вышыню выступіць Максім Недасекаў, яго называюць адным з фаварытаў спаборніцтваў. Пачатак у 13.10.
Таксама пройдуць спаборніцтвы ў жанчын па цяжкай атлетыцы. Беларусь прадстаўляе Дар'я Навумава.
У жаночай барацьбе Васіліса Марзалюк прайграла Аліне Ротэр Фокен.
Нагадаем, што на Алімпіядзе ў беларусаў пакуль адзін медаль, гэта золата Івана Літвіновіча ў скачках на батуце.
