Як паведаміў яго адвакат, медыяменеджара прызналі падазраваным ва ўхіленні ад выплаты падаткаў, што пацягнула прычыненне шкоды ў буйным памеры, яму інкрымінуюць ч. 2 арт. 243 КК.
«Ад дачы паказанняў ён адмовіўся. Віну катэгарычна адмаўляе», — адзначыў абаронца Аляксандрава, перадае БелаПАН.
Нагадаем, журналіста разам з ягонай дзяўчынай Ірынай Злобінай затрымалі 12 студзеня гэтага года. Першапачаткова Аляксандрава абвінавачвалі ў фінансаванні пратэстаў (ч. 1 і 2 арт. 342 КК), ужо ў пачатку ліпеня яму выставілі новае абвінавачанне — па ч. 1 арт. 356 КК (здрада дзяржаве). Па ім медыяменеджару пагражае да 15 гадоў турмы.
Беларускія праваабаронцы прызналі Аляксандрава палітвязнем.
0
0
0
0
0
0
