«Нягледзячы на тое, што група размяшчаецца на тэрыторыі Польшчы, Дзяржпамежкамітэт праявіў добрую волю і палічыў неабходным прапусціць у памежную паласу прадстаўнікоў Упраўлення Вярхоўнага Камісара ААН па справах бежанцаў і Беларускага таварыства Чырвонага Крыжа. Гэта зроблена для таго, каб яны змаглі пакінуць на лініі мяжы прадметы першай неабходнасці для бежанцаў з Афганістана», — сказана ў паведамленні ведамства.
Нагадаем, ужо больш за тры тыдні на беларуска-польскай мяжы недалёка ад польскага горада Уснаж-Гурны ў Падляскім ваяводстве жывуць дзясяткі мігрантаў з Афганістана.
Уцекачы з Афганістана ўжо амаль два тыдні спрабуюць нелегальна перасекчы польскую мяжу. Цяпер з аднаго боку іх ахоўваюць беларускія сілавікі, не даючы вярнуцца ў Беларусь, а з іншага — польскія памежнікі, не дазваляючы прайсці ў Польшчу.
