На руцэ маладога чыноўніка — элітны швейцарскі гадзіннік Ulysse Nardin. Яго кошт — ад 11 500 да 12 500 даляраў.

Гэта 20 сярэдніх беларускіх зарплат (калі браць афіцыйную лічбу ў 1471 рубель).

Элітны швейцарскі гадзіннік Ulysse Nardin

За гэтыя грошы можна купіць двухпакаёвую кватэру ў Нароўлі ці Крычаве альбо аднушку ў Мазыры ці Светлагорску. І яшчэ трохі грошай застанецца.

У 2020 годзе Баскаў (тады гендырэктар ХК«Дынама Мінск») казаў, што хакеем зарабляе не больш за 1000 даляраў на месяц.

Але на недахоп грошай функцыянер ніколі не скардзіўся. Вясною 2020 ён купіў шыкоўны дом у Ждановічах — раней за будынак у англійскім стылі прасілі больш за мільён даляраў, але афіцыйна Баскаў купіў дом менш чым за $400 тысяч. Дом запісаны на жонку Дзмітрыя.

Акрамя таго, Баскаў сузаснавальнік кампаніі забудоўшчыка «Давінстройінвест», мае долі ў кампаніях, якія займаюцца пракладкай інжынерных сетак, аптовымі закупкамі тэлефаніі і «аксесуараў для ІТ».

Таксама Баскаў мае 15% акцый кампаніі «АйПаўэр» (цяпер «Акумулятарны альянс»), якой належыць скандальна вядомы акумулятарны завод у Брэсце.

Хочаш падзяліцца важнай інфармацыяй ананімна і канфідэнцыйна?