У Мінск са Швейцарыі прылятаў самалёт. Але палітзняволеную Наталлю Хершэ не забраў
Карыстальнікі інтэрнэту звярнулі ўвагу на самалёт швейцарскіх ВПС, які з Жэневы праз Вільню прыляцеў днём у Мінск. Праз 35 хвілін ён вылецеў назад. Ва ўмовах забароны на палёты над Беларуссю еўрапейскім авіякампаніям гэта падалося вельмі дзіўным.
Людзі выказалі думку, што самалёт прылятаў па палітзняволеную грамадзянку Швейцарыі Наталлю Хершэ, але ў МЗС краіны на запыт «Еўрарадыё» праяснілі сапраўдную прычыну прылёту:
— Гэты самалёт быў задзейнічаны швейцарскімі ўладамі для правядзення аперацыі па рэадмісіі асоб, якія былі абавязаныя пакінуць тэрыторыю Швейцарыі. Па меркаваннях абароны даных швейцарскія ўлады не маюць права агучваць якія-небудзь іншыя звесткі.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ