Хлопца абвінавачваюць у здзяйсненні злачынстваў, прадугледжаных ч. 1 арт. 214, ч. 3 арт. 294, ч. 2 арт. 295, ч. 2 арт. 363, ч. 1 арт. 445 КК РБ — гэта самавольнае пакіданне месца службы, угон, крадзеж агнястрэльнай зброі, падробка або наўмыснае знішчэнне маркіроўкі агнястрэльнай зброі і супраціў службовай асобе.
Яму пагражае да 10 гадоў зняволення.
Нагадаем, што Караткевіч збег 2 красавіка з палігона ў Брэсцкай вобласці. Хлопец з'ехаў на грузавіку, з сабой у яго была зброя. Аўтамабіль знайшлі на абочыне ва Ушацкім раёне Віцебскай вобласці, а салдата знайшлі праз два дні ў адной з вёсак таго ж раёна. Пра гэта міліцыі паведамілі мясцовыя жыхары.
