У Расіі за суткі пастаўленыя адразу два антырэкорды за час пандэміі: па колькасці новых хворых на каранавірус і па колькасці памерлых.

За суткі 13 кастрычніка ў краіне выяўлена 31 299 новых выпадкаў каранавіруса, памерлі 986 чалавек.

Больш за ўсё смерцяў у Маскве — 72, у Пецярбургу — 67, у Свярдлоўскай вобласці — 41.

У Маскве за суткі выяўлены 6712 новых хворых, гэта максімальная колькасць з 9 ліпеня. У Пецярбургу — 2345 выпадкаў, яшчэ 1911 — у Маскоўскай вобласці.

У Расіі грамадзяне не маюць магчымасці атрымаць ні адну з зацверджаных СААЗ вакцын ад COVID-19.

Хочаш падзяліцца важнай інфармацыяй ананімна і канфідэнцыйна?