Джо Байдэн у Дахау ў 2015 годзе.
Амерыканскі лідар згадаў пра такія паездкі ў Германію як пра сямейную традыцыю, абавязковую па дасягненні 15 гадоў. Ён адзначыў, што «дае слова Байдэна» — садзіць дзяцей і ўнукаў у самалёт і адпраўляе ў Дахау.
«Я хачу, каб яны бачылі прыемныя домікі, якія стаялі проста насупраць плота, з іх прыгожымі дахамі. Людзі, якія там жылі, пераконвалі сябе: «Гэта не я, я гэтага не раблю. Я не ведаю, што там адбываецца», — падкрэсліў Байдэн.
Прэзідэнт ЗША таксама падзяліўся, што пра Халакост з ім часта гаварыў бацька. «Ён горача верыў у тое, што адзіны спосаб выканаць запаведзь «ніколі больш» — нагадваць сабе пра тое, што здарылася, пра тое, колькі людзей, якія лічаць сябе прыстойнымі, палічылі за лепшае думаць, што насамрэч гэтага не было, што яны не ведалі пра тое, што рабілася», — распавёў Байдэн.
Дахау быў першым канцлагерам, створаным у Германіі пасля прыходу да ўлады Адольфа Гітлера. Там загінулі да 70 тысяч чалавек, а тыя вязні, што засталіся ў жывых, былі вызвалены амерыканскімі войскамі ў красавіку 1945 года.
