У нядзелю 26 ліпеня адбудзецца зладжаны Моладзьдзю БНФ моладзевы футбольны турнір «За Свабоду і Незалежнасьць‑2009». Бяруць удзел 6 камандаў: Грунвальд (Моладзь БНФ), Правы альянс, Моладзь.org і іншыя.
26 ліпеня на малым полі фізкультурнага цэнтру «Серабранка» (пр‑т Ракасоўскага, 44) адбудуцца гульні, якія вызначаць пераможцу турніру. Сёлета ў турніры ўдзельнічаюць 6 камандаў, якія прадстаўляюць розныя моладзевыя арганізацыі ды ініцыятывы.
Месца правядзеньня турніру:
Малое поле фізкультурнага цэнтру «Серабранка» (пр‑т Ракасоўскага, 44) . Дабрацца да меcца правядзеньня можна наступным чынам:
— для тых, хто будзе ехаць з боку чыгуначнага вакзалу – Вам неабходна ехаць на трал. № 20,30 або аўт. № 8 да прыпынку «Шэйпічы»,
— для тых, хто будзе ехаць з боку Уручча – трал. № 41 да прыпынку «Шэйпічы»,
— для тых, хтобудзе ехаць з боку Курасоўшчыны — трал. № 19 да прыпынку «Шэйпічы».
На прыпынку Вы ўбачыце вялікі універсам «Палессе». Вам неабходна будзе падысьці да яго і крочыць далей па вуліцы. Вы павінны спусьціцца па вуліцы ўніз з горачкі і ўрэшце прыйдзеце да металічнай агароджы спартовага комплексу. Далей Вы заходзіце на тэрыторыю комплексу і ідзяце да малога футбольнага поля. Поле абнесена сеткавай агароджай.
Час правядзеньня:
Турнір будзеправодзіцца з 11.00 да 15.00.
Увага! Рэгістрацыя камандаў будзе праходзіць з 10.00 да 11.00, таму вялікая просьба не спазьняцца. Камандам, якія не пасьпеюць у вызначаны час прайсьці рэгістрацыю, будуць залічаныя тэхнічныя паразы.
Інвентар, вада, медыцынская аптэчка:
Аргкакмітэт турніру забяспечвае ўсе каманды пітной вадой. Просім каманды прыходзіць на турнір са сваімі мячамі.
У арганізатараў будзе медыцынская аптэчка.
Надвор’е:
На нядзелю сыноптыкі абяцаюць дажджы, таму вазьміце з сабой парасоны і пакеты, каб можна было схаваць адзежу ад дажджу. Пры моцных ліўнях гульні будуць спыненыя.
Фармат турніру:
Дзьве групы па 3 каманды. Пераможцы з кожнай групы сустракаюцца ў фінале; каманды, якія занялі ў групах другія месцы, сустракаюцца ў матчы за бронзу.
Лёсаваньне разьбіла каманды на дзьве групы.
Група ‑А‑
Z!
Грунвальд
Вялейка
Група ‑B‑
Правы альянс
Moladz.org
Zabej
Расклад гульняў:
Z! – Вялейка (11.00‑11.25)
Правы альянс — Zabej (11.30‑11.55)
Грунвальд –Вялейка (12.00‑12.25)
Moladz.org – Zabej (12.30‑12.55)
Z! – Грунвальд (13.00‑13.25)
Правы альянс — Moladz.org (13.30‑13.55)
Матч за 3‑е месца (14.00‑14.25)
Фінал(14.30‑14.55)
Працягласць гульні:2 таймы па 10 хвілінаў, перапынак паміж таймамі 5 хв. У матчы за 3‑е месца і ў фінале ў выніку нічыі прызначаецца серыя пенальці (5). Калі пасля серыі пенальці лік таксама застаецца нічыйным, — гуляе правіла залатога пенальці.
Пры ўзьнікненьні пытаньняў зьвяртайцеся па наступных нумарах:
+375 29 6010769(Міхал)
+375 29 7774850 (Сяржук)
