Да 115-годдзя «Нашай Нівы» Ягор Марціновіч перадаў кароткае вітанне:

«У 1906-м была Расійская імперыя і была «Наша Ніва». У 1991-м быў СССР і была «Наша Ніва». У 2021-м у Беларусі — дыктатура і «Наша Ніва». Як у старым габрэйскім анекдоце. Мы ўжо ў фінале. Можна выгнаць рэдакцыю з тэрыторыі Беларусі, але

пакуль нікому не ўдалося забіць мару пра сваю газету, якая будзе глядзець на свет з беларускага пункта гледжання.

Можна ўзяць закладнікаў, але нашаніўцы працягваюць сумленна працаваць. Сёння ў мяне няма магчымасці чытаць «Нашу Ніву», даваць парады калегам. Але спадзяюся, нашым папярэднікам не было б сорамна за тое, што і як мы рабілі». 

Калі ласка, памятайце пра нашых калег, якія да апошняга дня на свабодзе рабілі ўсё магчымае, каб беларусы маглі чытаць праўдзівыя навіны пра Беларусь і свет.

Дашліце ліст, паштоўку ці тэлеграму нашаніўцам, павіншуйце іх са 115-годдзем НН!

Адрас для ліставання:

220030, г. Мінск, вул. Валадарскага, 2. СІЗА №1

Марціновіч Ягор Аляксандравіч

Скурко Андрэй Генадзевіч

Хочаш падзяліцца важнай інфармацыяй ананімна і канфідэнцыйна?