31 ліпеня 1949 года на сходзе беларускіх дзеячоў у Нью‑Ёрку, на кватэры Янкі Станкевіча, было створана Беларуска‑Амерыканскае Задзіночанне (БАЗА).
Арганізацыя, што з цягам часу стала адной з найгалоўных беларускіх арганізацый у Паўночнай Амерыцы.
У ліпені 1950 г. арганізацыя была зарэгістрававаная ўладамі штату Нью‑Ёрк. У склад першай Галоўнай управы ўваходзілі: Мікола Гарошка (старшыня), Янка Станкевіч і Мікола Дарашэвіч (намеснікі), Уладзімір Машанскі, Янка Ніхаёнак, Міхась Тулейка.
Старшынямі БАЗА таксама былі: Франц Кушаль, Міхась Тулейка, Мікола Кунцэвіч, Кастусь Мерляк, Станіслаў Станкевіч, зноў Мікола Гарошка, Расціслаў Гарошка. Найдаўжэй пасаду кіраўніка арганізацыі займаў Антон Шукелойць, з 1975 па 2007 гады.
У чэрвені 2007 г. кіраўніком БАЗА быў абраны Вячка Станкевіч (сын Янкі Станкевіча), які выйграў выбары ў Шукелойця з розніцай у два галасы (19:17).
0
0
0
0
0
0