На чале з кіраўніком Адміністрацыі Уладзімірам Макеем рэйдавая група азнаёмілася, як на практыцы рэалізуецца заяўны прынцып «аднаго акна», арганізуецца прыём грамадзян па асабістых пытаннях і як вядзецца работа з іх пісьмовымі зваротамі непасрэдна ў адміністрацыі раёна, яе структурных падраздзяленнях і іншых арганізацыях.
У параўнанні з Ленінскім раёнам сталіцы, у ходзе праверкі якога 4 лютага 2009 г. быў выяўлены шэраг істотных недахопаў,
у Партызанскім раёне работа па выкананні патрабаванняў Дырэктывы нумар 2 у цэлым арганізана больш зладжана і сістэмна.
У прыватнасці, у адміністрацыі Партызанскага раёна служба «аднаго акна» функцыянуе дастаткова нядрэнна.
У разлікова‑даведачным цэнтры ЖРЭА і натарыяльнай канторы раёну добра прадстаўлена ўся неабходная інфармацыя і створаны неабходныя ўмовы для работы з наведвальнікамі.
Разам з тым рэйдавай групай былі адзначаны і пэўныя недахопы. Напрыклад, на інфармацыйных стэндах у адміністрацыі размешчана састарэлая інфармацыя аб прыёме грамадзян кіраўнікамі Мінгарвыканкама. Старыя звесткі і інфармацыя таксама выяўлены ў ЖЭС‑44.
Было адзначана, што работа асобных структурных падраздзяленняў адміністрацыі раёна не ў поўнай меры адпавядае патрабаванням Дырэктывы нумар 2. У прыватнасці, работнікі аддзела жыллёвай палітыкі і ўпраўлення сацыяльнай абароны не вядуць прыём грамадзян ва ўсе рабочыя дні тыдня.
Правяральнікі адзначылі, што работнікі ўпраўлення сацабароны, аддзела архітэктуры і горадабудаўніцтва, аддзела жыллёвай палітыкі слаба арыентуюцца ў патрабаваннях заканадаўства аб адміністрацыйных працэдурах.
Уладзімір Макей у час гутаркі з кіраўніцтвам адміністрацыі і арганізацый раёну падкрэсліў, што работа са зваротамі грамадзян павінна знаходзіцца на пастаянным кантролі.
Такія раптоўныя праверкі па выкананню патрабаванняў Дырэктывы нумар 2, якія праводзіліся Адміністрацыяй Прэзідэнта ў Ленінскім раёне сталіцы, а таксама 8 чэрвеня ў Гродне і Гродзенскай вобласці, і ў далейшым будуць прадоўжаны.