(паводле Змітра Вайцюшкевіча)
 Зміцер Вайцюшкевіч |
1. Ніколі не звязвайся з людзьмі няшчырымі, гаўнюкамі, дурнямі... (спіс шырэйшы).
2. Адчувай вольную прастору для адкрыцця (хай сабе і лакальнага). Першы — найлепшы. Стаў недасягальныя задачы. Складанасць — шлях да нутранага дасканалення і поспеху.
3. Бяры больш, чым можаш зрабіць, памыляйся.
4. Умей адпусціць, забыць здзейснены праект.
5. Слухай, аналізуй. Шмат пытайся і і прыслухоўвайся да іншых. І… нікога не слухай.
6. Пішы музыку ўвадначассе і проста і складана.
7. Адпачывай і вучыся адпачываць.
8. Не спяшайся быць папулярным. Вучыся жыць на сцэне доўга. Галоўнае — шукаць сваё.
9. Сышоўшы на год колькі з прафесіі — не вяртайся.
10. Адпрацуй перад Усявышнім свой талент. Неадпрацаванасць таленту — вялікі грэх.
Зміцер Вайцюшкевіч. Заснавальнік легендарнага фольк-гурта Крыві. На пачатку 2000-х пачаў сольную кар'еру. Чалавек-аркестр, уладальнік аксамітнага вакалу, Зміцер выконвае рок, джаз, шансон, а таксама народныя песні (нават японскія). Піша песні на словы Барадуліна, Дранько-Майсюка, Някляева і Камоцкага.
