Літва: ад 1 да 2 рублёў
У найбуйнейшых гандлёвых сетках гэтай балтыйскай краіны капуста прадаецца ад 1 да 2 рублёў у перакладзе на беларускія грошы.
Польшча: 1,83 рубля
Наш чытач, які даслаў здымак у Telegram-бот, паведаміў, што ў папулярнай гандлёвай сетцы Biedronka у Варшаве капуста прадаецца па кошце 2,85 злотага за кг. Гэта 1,83 беларускага рубля.
Расія: 2,12 рубля
У краме «Пяцёрачка» у горадзе Арол (Расія) заўважылі галоўкі па цане 62 расійскія рублі за кг. Або 2,12 беларускага рубля.
Эстонія: 1,43 рубля
Як расказвае чытач з горада Тарту (Эстонія), у мясцовай краме Maxima прадаецца капуста, якую можна набыць па 0,49 еўра за кг, што эквівалентна 1,43 беларускага рубля.
Галандыя: 1,87 рубля
Адзін з тых, хто адгукнуўся, паведаміў, што ў канцы студзеня ў Галандыі купляў галоўку белакачанай (вагай 2,3 кг) за 1,49 еўра. Калі пералічыць на беларускія грошы, атрымаецца 1,87 рубля за 1 кг.
Беларусь: ад 1,67 да 3,99 рубля
Што ж тычыцца сітуацыі ў беларускіх крамах, то роскід цэн вялікі. Так, нашыя чытачы ўбачылі капусту ў «Кароне» у Мінску па 1,67 рубля за кг.
Нагадаем, што беларускія ўлады ўвялі абмежаванні на кошт гародніны. Максімальны цэннік на свежую белакачанную капусту ў студзені не мог перавышаць 1,67 рубля, у лютым — 1,68 рубля, у сакавіку — 1,71 рубля, у красавіку — 1,73 рубля, а ў траўні — 1,75 рубля.
Але ж гэта не тычыцца імпарту, чым карыстаюцца асобныя сеткі. Напрыклад, інтэрнэт-крама E-dostavka прапануе белакачаную капусту з Расіі і Узбекістана па 2,99 і 3,99 рубля за 1 кг адпаведна.
Скрыншот з сайта E-Dostavka.by
Спецыялісты: вытворцы не спяшаюцца прадаваць танна
Як нам пракаментавалі сітуацыю спецыялісты, сітуацыя, сапраўды, незвычайная, нягледзячы на тое, што ў канцы зімы — пачатку вясны гародніна, як правіла, даражэе.
«Зараз імпарт каштуе каля 2 рублёў без ПДВ у закупцы, — расказаў нам эксперт. — Беларуская капуста — максімум 1,18 рубля (па пастанове). Вытворцы не спяшаюцца прадаваць танна, калі можна рэалізаваць даражэй на экспарт. Хоць і ўвялі забарону, але многія збіраюцца абыходнымі шляхамі вывозіць у Расію. Забарону на экспарт толькі ўвялі, таму пакуль складана зразумець сітуацыю. Праз які тыдзень сітуацыя вызначыцца».
Чытайце яшчэ:
У Літве капуста прадаецца ад 1 да 2 рублёў за 1 кг. А колькі каштуе ў крамах побач з вамі?
Кошт капусты ў Беларусі б'е рэкорды. Узбекская каштуе больш за 4 рублі, а беларускую паспрабуй знайдзі
За год цана капусты вырасла на 120%. Чаму ў Беларусі так моцна падаражэла гародніна
Урад абмежаваў вываз з Беларусі цыбулі, белакачаннай капусты і яблык. А раней Галоўчанка казаў, што ўсяго хапае
Галоўчанка: У Беларусі няма дэфіцыту гародніны. Чаму тады дзяржава рэгулюе цэны?
