Намеснік кіраўніка Расстата Аляксандр Сурынаў заявіў, што, па ягоных падліках, у расійскіх рэгіёнах прасочваецца тэндэнцыя пераходу прадпрыемстваў да схем ценявой эканомікі. Яе доля ў валавым рэгіянальным прадукце дасягае 20-25%. Павелічэнне лічбаў тлумачыцца эканамічным крызісам.
Да ценявой эканомікі адносяцца забароненыя віды дзейнасці (прастытуцыя, гандаль зброяй і наркотыкамі), схаваная вытворчасць з мэтай не плаціць падаткі і выпадкі, калі вытворцы не рэгіструюцца як прадпрымальнікі.