Выступаючы ў Талачыне, кіраўнік дзяржавы зрабіў некалькі знешнепалітычных заяваў. Падсумоўвае Юры Дракахруст.
Выступаючы ў Талачыне, кіраўнік дзяржавы зрабіў некалькі зьнешнепалітычных заяваў.
Ён пашкадаваў аб выхадзе Грузіі з СНД. Паведаміў, што на наступным тыдні сустрэнецца з прэзыдэнтам Расеі Мядзьведзевым і выказаўся супраць непрымальных умоваў Эўразьвязу ў дыялёгу зь Менскам.
Лукашэнка назваў выхад Грузіі з СНД памылкай грузінскага кіраўніцтва.Ён выказаў шкадаваньне з прычыны гэтага рашэньня, і выказаў спадзяваньне, што «пройдзе час, загояцца раны, і Грузія вернецца ў СНД». Паводле Лукашэнкі, гэта «фармальны выхад», бо прэзыдэнт Саакашвілі заявіў, што Грузія будзе працягваць выконваць шэраг абавязкаў па дамоўленасьцях, якія былі дасягнутыя ў межах СНД.
Прэзыдэнт Беларусі паведаміў, што на наступным тыдні мяркуе сустрэцца з расейскім прэзыдэнтам Дзьмітрыем Мядзведзевым у Сочы. Лукашэнка сказаў, што сустрэчу прапанаваў Мядзьведзеў падчас нядаўняга нефармальнага саміту АДКБ у Кіргізстане.
«Мы абмяркуем увесь комплекс пытаньняў, якія не вырашаюцца», — сказаў беларускі кіраўнік. Ён выказаў пажаданьне, каб дамоўленасьці на вышэйшым узроўні выконваліся, а не блякаваліся на ніжэйшых паверхах улады.
«Тады ня будзе інсынуацыяў, куды пайшоў Лукашэнка», — падкрэсьліў кіраўнік Беларусі.
Ён станоўча ацаніў дыялёг з Захадам, але заявіў:
«Калі нехта на Захадзе думае, што ў нас з Расеяй папсаваліся адносіны і мы Лукашэнку падкруцім, і ён усіх злачынцаў з турмаў павыпускае, зламае заканадаўства, то яны памыляюцца».
Нагадаем, што нядаўна памочнік дзяржсакратара ЗША Філіп Гордан падчас візыту ў Менск заявіў, што Злучаныя Штаты не мяняюць свае падыходы да Беларусі і настойваюць на вызваленьні палітычных зьняволеных.
«У нас добрыя адносіны з Расеяй, выдатныя ў нас з Расеяй адносіны. У нас ёсьць праблемы — гэта так. Але хто нічога ня робіць, у таго праблемаў няма», — патлумачыў Лукашэнка.
Ён таксама сказаў, што «калі на Захадзе разьлічваюць, што шляхам махінацыяў можна забраць уладу ў цяперашняй улады і перадаць яе апазыцыі, то нічога не атрымаецца». «Я хачу, каб эўрапейцы вялі шчыры дыялёг і не спрабавалі нас праз калена сагнуць.
Мы ўсё роўна выжывем. У зямлянкі пойдзем, але сувэрэнітэт і нармальнае жыцьцё людзям забясьпечым», — заявіў Лукашэнка.
Як склаўся лёс выпускнікоў, якімі журфак ганарыўся 10 гадоў таму? Гісторыя аднаго ўрачыстага калажа31
Каментары