Беларус-айцішнік паспрабаваў разблакаваць свой украінскі рахунак, замарожаны з-за вайны. Ці рэальна гэта?
Супрацоўнік IT-кампаніі родам з Беларусі, якому заблакавалі рахунак ва ўкраінскім «Райфайзэн-Банку», паспрабаваў дамагчыся асабістага разгляду ягонага пытання з мэтай разблакавання грошай. Атрыманая інструкцыя, як гэта зрабіць, аптымізму яму не надала, піша dev.by.
Грамадзянін Беларусі працаваў ва ўкраінскім офісе міжнароднай IT-кампаніі. У канцы лютага яму, як і іншым беларусам і расіянам, заблакавалі рахункі. У хлопца былі «замарожаныя» ашчаджэнні ў «Райфайзэн-Банку».
Яму давялося зноў аформіцца на працу ў беларускі офіс, каб была магчымасць атрымліваць грошы. Эвакуявацца, на шчасце, не прыйшлося: незадоўга да пачатку вайны хлопец часова паехаў у Мінск. Планаваў вярнуцца, але не склалася.
Каб размарозіць грошы, айцішнік праз опцыю падтрымкі ў мабільным дадатку банка дамогся асабістага разгляду свайго пытання.
«Але справа з мёртвай кропкі не зрушылася, — расказаў ён dev.by. — Я напісаў доўгі ліст і прыклаў дакументы: пашпарт, ВНЖ, працоўную дамову з украінскай кампаніяй, дазвол на працу, карту плацельшчыка падаткаў, страхоўку.
Адказ быў, калі сцісла, такі: для размарозкі рахунку трэба альбо мець дазвол на ПМЖ ва Украіне, які атрымаць вельмі складана, а ў бягучай сітуацыі проста немагчыма, альбо жыць год і больш у любой краіне, акрамя Беларусі і Расіі. І сабраць такую кучу дакументаў аб пражыванні ў гэтай краіне, што галава ідзе кругам».
Пералік дакументаў, якія прапанавалі сабраць:
- Пашпарт з адзнакамі аб перасячэнні мяжы краіны, заяўленай асобай як краіна яго пастаяннага месца жыхарства, на падставе якіх магчыма палічыць тэрмін пражывання ў такой краіне;
- Копіі папярэдніх пасведчанняў на часовае пражыванне (у доказ таго, што пражыванне не ў Расіі або Беларусі доўжылася 1 год і больш);
- Дакумент, які пацвярджае рэгістрацыю ПМЖ на тэрыторыі Украіны (іншай, чым Расія ці Беларусь, краіны;
- Дакументы, якія пацвярджаюць права ўласнасці на жыллё, якое з'яўляецца месцам пастаяннага пражывання не ў Расіі або Беларусі, або доўгатэрміновая дамова арэнды;
- Пасведчанне аб шлюбе з рэзідэнтам краіны ПМЖ, дакументы аб дзецях, якія пастаянна пражываюць у краіне ПМЖ разам з кліентам;
- Заяву аб дачы дазволу на іміграцыю ва Украіну з адпаведнымі адзнакамі аб яе прыняцці ўпаўнаважанымі органамі Украіны (пададзеная да 24.02.2022).
- Іншыя дакументы, якія могуць пацвердзіць месца пастаяннага пражывання, адрознае ад Расіі або Беларусі.
Сам айцішнік магчымасці ўсё гэта сабраць і прадставіць для сябе не бачыць і ў думках з грашыма ўжо развітаўся. Але рад быў бы пачуць пра гісторыі са станоўчым вынікам.
Каментары
Позитивные решения есть как по физлицам-гражданам РБ, так и по юрлицам, владельцы которых граждане РБ. Рассмотрение обращения занимает около 30 дней. Обращение можно предоставить по почте в бумажном виде или на электронную почту СБУ.
Если кому-то интересно что написать в обращении, как оформить и подать его, то почитайте мою статью https://minfin.com.ua/blogs/advokattaras/192937/. Если есть вопросы/нужна помощь, пишите в Telegram @taraslawyer.