Прэм’ер‑міністры Беларусі і Польшчы Сяргей Сідорскі і Дональд Туск правялі 1 верасня сустрэчу ў Гданьску. На ёй абмяркоўваліся магчымасці эканамічнага супрацоўніцтва нашых краінаў.
Акрамя таго, Туск заявіў пра неабходнасць дэмакратызацыі і захавання правоў чалавека ў Беларусі, у тым ліку нацыянальных меншасцяў.
Кіраўнік беларускага ўрада падзякаваў Польшчы за ініцыятыву «Усходняе партнёрства». Прэм’еры выказалі надзею, што праграма будзе спрыяць збліжэнню і развіццю супрацоўніцтва Беларусі і Еўрасаюза.
Нагадаем, што Сідорскі прыбыў у Польшчу для ўдзелу ў мемарыяльных мерапрыемствах, прысвечаных 70‑годдзю пачатку Другой Сусветнай вайны.
0
0
0
0
0
0
