14.30
Ля дома Янкі Брыля сабралася каля 400 чалавек. Зьявіліся Аляксандар Мілінкевіч, які ўзначальвае дэлегацыю палітыкаў, экс-міністры Анатоль Бутэвіч, Пятро Краўчанка, старшыня Беларускага ПЭН-Цэнтру Ўладзімер Някляеў.
13:50
Каля 300 чалавек прыйшлі да дому Янкі Брыля, каб разьвітацца зь пісьменьнікам. Мноства бел-чырвона-белых сьцягоў. На разьвітаньні прысутнічаюць народны пісьменьнік Беларусі Ніл Сымонавіч Гілевіч, пісьменьнік Васіль Зуёнак, мастак Васіль Шаранговіч, прадстаўнікі грамадзкіх арганізацый і палітычных партый, у тым ліку Вінцук Вячорка, Анатоль Лябедзька, Сяргей Калякін, Станіслаў Шушкевіч. Людзі прыйшлі зь вялікімі жалобнымі вянкамі, зробленымі зь бел-чырвона-белых кветак.
Бард Сяржук Сокалаў-Воюш прыйшоў з двума дзецьмі, якія трымаюць у руках вялікія бел-чырвона-белыя сьцягі.
Вынас труны мяркуецца а 14-й.
