Скрыншот кліпа.
Відэапартал YouTube выдаліў кліп гурта «Разбітае сэрца пацана» праз непрыстойныя сцэны.
Бязладныя з'яўленні бязрукага мужчыны, парныя танцы дзяўчынаў у малапрыстойных строях і сінхронныя па асалютна (калі не лічыць бодзі-арту) голых рокераў на тле белых сценак. Усё гэта — кліп на новую песню Wall-e панк-гурту «Разбітае сэрца пацана».
Кліпам можна было пацешыцца 20 хвілінаў на відэапартале YouTube, але потым ён быў выдалены сайтавым адміністратарам праз «парушэнне правілаў карыстання».
Кліп на песню Wall-e знялі без мантажу на фотаапарат за адную ноч у кватэры ў цэнтры Мінска. Ролік быў выстаўлены на папулярным відэапартале YouTube i адначасова прэзентаваны на старонцы мультымедыйнага часопіса «34».
0
0
0
0
0
0
