У Мінску 9—12 кастрычніка магчымыя перабоі з вадой у раёне будаўніцтва новай галіны метрапалітэна ад станцыі «Інстытут культуры» да станцыі «Пятроўшчына», паведамілі ў прэс‑цэнтры Мінгарвыканкама.
Такія карэктывы ўносяцца ў адпаведнасці з распрацаванай і зацверджанай праектна‑каштарыснай дакументацыяй для вынасу існуючай сеткі гаспадарча‑пітнога водаправода па пр. Дзяржынскага з зоны будаўніцтва станцыі «Грушаўская» і выканання графіка будаўніцтва працягу першай лініі метрапалітэна ад станцыі «Інстытут культуры» да станцыі «Пятроўшчына».
Ад 23.00 9 кастрычніка да 6.00 12 кастрычніка УП «Мінскводаканал» на час уразання новапабудаванага водаправода правядзе адключэнні на дзеючай сетцы. На перыяд падключэння новапабудаванага водаправода магчыма паніжэнне ціску халоднай вады, адсутнасць вады на верхніх паверхах жылых дамоў і пагаршэнне якасці вады ў раёне вуліц К.Лібкнехта, Р.Люксембург, Прылуцкая, Лермантава, Шчорса, Каржа, 2‑і зав. Р.Люксембург, Грушаўская, Разінская, Харкаўская, Кальварыйская, Караля, Раманаўская Слабада, пл. Незалежнасці. Без вады будзе водазаборная калонка па вул. Лермантава, 9.
У зону паніжэння ціску халоднай вады трапляюць такія аб’екты, як РНПЦ «Кардыялогія», Завод будаўнічых вырабаў, ЗАТ «Вітэкс», СП «Беліта» ТАА, Руп «Атэль «Мінск», ААТ «МАПІД», завод БПД‑1, стаматалагічная паліклініка нумар 1, бальніца паталогіі слыху, голасу і маўлення, Рэспубліканская клінічная стаматалагічная паліклініка.
