«Газпром» не мае намеру адыходзіць ад папярэдніх дамоўленасцей наконт цэнаў на газ для Беларусі, што прадугледжваюць іх паэтапнае павышэнне, заявіў старшыня праўлення расійскага газавага холдынгу Аляксей Мілер.
Мілер, што бярэ ўдзел у рабоце XXIV Сусветнага газавага кангрэсу ў Буэнас‑Айрэсе, 7 кастрычніка працвердзіў цвёрдасць пазіцыі «Газпрома» ў разліках з Беларуссю. Паводле словаў кіраўніка «Газпрома»,
неабходна працаваць у адпаведнасці з кантрактам.
Напярэдадні першы намеснік прэм’ер‑міністра Беларусі Уладзімір Сямашка паведаміў, што Мінск вядзе перамовы з «Газпромам», каб пазбегнуць «усплёску цаны» на газ у 2010 годзе. Паводле Сямашкі, прэм’ер‑міністр Сяргей Сідорскі даручыў міністру энергетыкі Аляксандру Азярцу правесці перамовы з «Газпромам» з улікам форс‑мажорных абставін, звязаных з крызісам.
***
31 снежня 2006 года ААТ «Газпром» і ААТ «Белтрансгаз» падпісалі кантракт на пастаўку і транзіт газу ў 2007—2011 гадах. Дакументам, у прыватнасці, была вызначана формула цаны з 1 студзеня 2008 г. (адпавядаючая формуле цаны пры пастаўках расійскага газа ў Еўропу), а таксама паніжальныя каэфіцыенты цаны на 2008—2010 гады (0,67, 0,8 і 0,9 адпаведна). З 2011 г. Беларусь павінны выйсці на ўзровень цаны на газ, што забяспечвае роўную даходнасць з пастаўкамі ў Еўропу.
