Заліўка фундаментных пліт пад першы ў Беларусі жылы хмарачос «Ветразь» пачалася 26 кастрычніка ў Мінску. 32‑павярховы будынак узводзіцца на скрыжаванні вуліц Ціміразева, Максіма Танка і Кальварыйская, паведаміў генеральны дырэктар СТАА «Мінск‑сіці» Сяргей Кісялёў.
У будынку вышынёй 132 метры будзе 165 кватэр (ад адна‑ да чатырохпакаёвых плошчай ад 63 да 188 квадратных метраў). На верхніх паверхах размесцяцца двухузроўневыя пентхаусы з выхадам на тэрасы. Для аўтамабіляў будзе прадугледжаны падземны мультыпаркінг на 195 месцаў.
Згодна з планам, будаўніцтва жылога дома завершыцца ў сярэдзіне 2011 года.
Нагадаем, расійскі холдынг «Ітэра» інвестуе сродкі ў будаўніцтва бізнес‑цэнтра на вуліцы Максіма Танка. Тут будуць узведзены жылы дом, адміністрацыйны будынак і гатэль. Акрамя гэтага, «Ітэра» рэалізуе ў беларускай сталіцы праект будаўніцтва жылога квартала «Мінск‑сіці». Пачатак узвядзення першых аб’ектаў запланаваны на першы квартал 2010 года. Цяпер на месцы будучай спортпляцоўкі праводзіцца дэмантаж і утылізацыя адходаў будынкаў і збудаванняў завода КЖВ‑214.
0
0
0
0
0
0
