Henik Łojka zaprašaje na novy plener: 24–25 žniŭnia ŭ Zasłaŭji paŭstanuć 12 załatych apostałaŭ. Hałoŭnaja ideja hetaha pleneru, tłumačyć jon, davieści, što nacyja pamiataje pra svaje śviatyni: «Piasok rassyplecca, i apostały znoŭ źniknuć, ale my pakažam, što my pamia-tajem pra jich i nia tolki pra jich».
Miarkujecca, što ŭdzieł u pracy prymuć 12 maładych skulptaraŭ. Patrebnaja dapamoha dobraachvotnikaŭ. H.Łojka budzie asabliva rady bačyć siarod jich hierojaŭ sakavika. Dobra było b, kab u vašaj vopratcy prysutničaŭ žoŭty koler – koler «Lehiendy ź piasku». Źviečara ŭ čaćvier zasnujem tabar z namiotaŭ, nazaviom jaho placam imia Kastusia Kalinoŭskaha i padymiem naš bieła-žoŭta-bieły ściah. U piatnicu dapamožam maladym skulptaram adkinuć łišnija tony piasku. U subotu, 26 žniŭnia, raźbiary darobiać svajich apostałaŭ i pakažuć zasłaŭskim hledačam. I pojduć ludzi dachaty, i paniasuć svajim naščadkam pamiać pra hetyja vobrazy.
